ఎస్.ఆర్. డిజి స్కూల్ విద్యార్థులతో విత్తన బంతుల తయారీ

ఈ కార్యక్రమంలో సీతాఫలం, సపోటా, చింత, కుంకుడు, మద్ది, టాబోబియా, తురాయి, మహాగణి, సుబాబుల్, పెద్ద గురివింద, ఏనుగు బాదం, గంగరావి తదితర విత్తనాలను ఉపయోగించి విద్యార్థులతో విత్తన బంతులను తయారు చేయించడం జరిగింది.

ముందుగా విత్తన బంతుల ఆవశ్యకత, పర్యావరణ పరిరక్షణలో వాటి ప్రాముఖ్యత మరియు తయారు చేసే విధానం గురించి విద్యార్థులకు వివరించారు. అనంతరం విద్యార్థులు ఎంతో ఉత్సాహంగా పాల్గొని స్వయంగా విత్తన బంతులను తయారు చేశారు.

ఈ కార్యక్రమంలో పాల్గొన్న ఎస్.ఆర్. డిజి డీజీఎం శ్రీ మోహన్ రెడ్డి గారు మాట్లాడుతూ, విత్తన బంతులను కొండ ప్రాంతాలు, నదీ పరివాహక ప్రాంతాలు వంటి ప్రదేశాల్లో వెదజల్లడం ద్వారా పచ్చదనాన్ని పెంపొందించవచ్చని తెలిపారు. విత్తన బంతుల కార్యక్రమాల ద్వారా పర్యావరణ పరిరక్షణకు ప్రతి ఒక్కరూ తమ వంతు సహకారం అందించవచ్చని పేర్కొన్నారు.